أحمد السعدني يكشف لـ«العين الإخبارية» سر ابتعاده عن السوشيال ميديا
أعرب الفنان أحمد السعدني عن سعادته بتجربته في فيلم “ولنا في الخيال حب”، مشيرا إلى أن العمل بمثابة وجبة سينمائية تجمع المشاعر والضحك والحب.
وقال الفنان أحمد السعدني خلال لقائه مع “العين الإخبارية” إن فيلم “ولنا في الخيال حب” يتضمن متعة سينمائية حقيقية تجمع بين المتعة البصرية والمشاعر، موضحًا: “هو فيلم فيه متعة سينمائية حقيقية، سواء متعة بصرية ودي أهم حاجة في السينما بشكل عام، وفي كمّ من المشاعر كبير، في ضحك وعياط، في حب، في أغاني ورقص، فهو توليفة كده، دي السينما اللي أنا بحبها أصلًا، وطول الوقت بحاول أعمل الحاجة اللي أنا بحبها، وبيبقى عندي إحساس إن لو أنا حابب الحاجة الناس هتحبها، فأتمنى الفيلم يعجبهم”.
الشخصية الأقرب إلى قلبه
وعن مدى تشابه شخصيته الحقيقية مع دوره في الفيلم قال السعدني: “الفيلم قوي، وفي كتير مني جدًا، يعني هو الأقرب لقلبي الحقيقة”.
موقفه من السوشيال ميديا
وتحدث السعدني عن ظهوره المحدود على السوشيال ميديا مؤكدًا: “أنا لسه بعيد عن السوشيال ميديا، ولما بيكون عندي عمل بَظهر، لأن الظهور من غير سبب قلة أدب. لما بيكون عندي عمل، خصوصًا لو متحمس له، بكون موجود عشان أروّج له”.
كيميا فنية مع مايان وعمر
وكشف السعدني عن تفاصيل التحضير للفيلم مع زملائه قائلًا: “بالنسبة لعمر ومايان، إحنا قعدنا فترة كبيرة جدًا نحضّر الفيلم، عملنا بروفات كتير، وده ما بيحصلش كتير في أي شغلانة، فبقينا تيم حقيقي، ويمكن عشان كده الناس حاسة بالكيميا بينا، ولما يتفرجوا على الفيلم هيحسوها أكتر”.
رأيه في مايان السيد
وأشاد السعدني بزميلته مايان السيد واصفًا إياها: “مايان تلقائية جدًا، واللي بيجي على دماغها بتعمله، ما بتفكرش كتير، وهي بنت جميلة، أنا بحبها وبموت فيها، وموهوبة جدًا وشاطرة، وبتمنى لها كل نجاح وتوفيق في حياتها”.
تصريحاته عن زواج مي عزالدين
وعن زواج مي عزالدين قال: “هي عروسة مصر، ومصر كلها مبسوطة بيها، وربنا يسعدها ويهنيها، ويجعل أحمد سند ليها في الدنيا، ويستاهل كل الخير حقيقي”.
وعن لقائه بزوج مي عزالدين قال السعدني: “عاينت العريس، قابلناه مرة في الصيف واتكلمنا، وإحنا أصحاب جدًا”. وأضاف: “الرأي ليها هي أولًا، وأحمد بني آدم جميل جدًا، الحقيقة ابن ناس وطيب ومحترم، ربنا يسعدهم يا رب”.
aXA6IDQ1LjE0LjIyNS4xMCA= جزيرة ام اند امز
